Read this in English: Recipe: Individual portions of tiramisu
Normalment it-tiramisu narawha f’dixx li jitqassam bħala porzjonijiet, imma nistgħu nagħmlu din id-deżerta Taljana individwalment fit-tazzi. It-tiramisu oriġinali jkun fiha l-bajd nej, imma f’din ir-riċetta huwa eskluż.
Ħin: 20 minuta
Isservi: 4 persuni
Ingredjenti:
- 2 mgħaref kafè espresso (instant), jew kafè ieħor tajjeb
- 1 mgħarfa zokkor tal-ġelu, mgħarbul
- 250 g ġobon mascarpone
- 4 mgħaref liqueur tal-kafè jew brandy
- 16-il sponge finger
- 2 kuċċarini kawkaw
Tħejjija:
- Ħoll il-kafè f’200 ml ilma jaħraq.
- Fi skutella ħabbat flimkien il-ġobon mascarpone, iz-zokkor tal-ġelu, u 3 mgħaref mil-liqueur jew brandy.
- Ferra l-kafè f’dixx baxx u żid l-imgħarfa liqueur jew brandy li jkun fadal. Ħu tmien sponge fingers, xarrab tnejn minnhom, aqsamhom f’biċċtejn u poġġihom f’qiegħ it-tazza. Agħmel l-istess għat-tliet tazzi l-oħra.
- Qassam nofs it-taħlita tal-mascarpone bejn l-erba’ tazzi, erġa’ xarrab il-kumplament tal-isponge fingers fil-kafè u qassamhom fit-tazzi fuq it-taħlita tal-mascarpone. Qassam l-aħħar nofs tat-taħlita tal-mascarpone u għarbel il-kawkaw fuq il-wiċċ ta’ kull tazza.
- Servi fil-pront jew poġġihom fil-friġġ għal aktar tard.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
