Bħall-burgers u pizza, is-southern fried chicken insibu nixtruha faċilment. F’din ir-riċetta se nużaw id-drumsticks biss b’panura ftit taħraq magħmula mill-polenta.
Ħin: 50 minuta
Isservi: 4 persuni
Ingredjenti:
- 8 drumsticks
- 2 bajdiet, imħabbtin
- 100 g dqiq
- 100 g polenta rqiqa
- ½ kuċċarina bżar chayenne
- ½ kuċċarina paprika
- 1 ½ kuċċarina trab tal-qamħirrun (cornflour)
- ½ kuċċarina melħ
- ½ kuċċarina zokkor
- 100 ml żejt veġetali
Tħejjija:
- Saħħan il-forn għal temperatura ta’ 200°C. Poġġi xibka ġo dixx tal-forn.
- Fi skutella ħallat nofs id-dqiq, il-polenta, id-dqiq tal-qamħirun, il-melħ, iz-zokkor, il-bżar chayenne u l-paprika.
- Poġġi l-kumplament tad-dqiq fuq platt u dawwar id-drumsticks fih sakemm jinksew u farfar iż-żejjed. Dawwar id-drumsticks fil-bajd, imbagħad fit-taħlita tal-polenta sakemm jinksew kompletament.
- Saħħan iż-żejt f’taġen u aqli d-drumsticks ftit ftit minn kull naħa sakemm jiħmaru. Poġġihom fuq ix-xibka fid-dixx u kompli sajjar fil-forn għal madwar 25 minuta jew sakemm isiru sew.
