Riċetta: Silġ ‘traffic lights’ tal-frott frisk

Traffic lights ice lollies

Ritratt: Bessie's Veggiefood

Żgur li dawn il-lollipops iffriżati f’forma ta’ traffic lights u magħmulin mill-frott frisk jinżlu għasel mat-tfal li, filwaqt li jkunu qed jiffriskaw, ikunu qed jieklu frott frisk u bnin ukoll.

Ħin: 30 minuta, u ħin biex tiffriża

Kwantità: 4

Ingredjenti:

  • 400 g dulliegħ, imqaxxar u mingħajr żerriegħa
  • 100 g zokkor
  • 3 ħawħiet sofor, imqaxxrin u mingħajr għadma
  • 5 kiwi, imqaxxrin
  • Ikollok bżonn ukoll forom tas-silġ apposta

Tħejjija:

  1. Itħan id-dulliegħ fi blender ma’ ⅓ taz-zokkor. Ferrgħu fil-forom sakemm timla ⅓ ta’ kull forma. Iffriża għal siegħa u nofs
  2. Itħan il-ħawħ fi blender ma’ ⅓ taz-zokkor, u ferrgħu fil-forom fuq id-dulliegħ sakemm timla ⅔ ta’ kull forma. Erġa’ ffriża għal siegħa u nofs.
  3. Itħan il-kiwi fi blender mal-aħħar ⅓ taz-zokkor. Jekk iddejqek iż-żerriegħa għaddi t-taħlita minn passatur, imbagħad ferra’ fil-forom fuq il-ħawħ sakemm timla kull forma. Daħħal l-istikek u ffriża sakemm jagħqad kompletament.

Ippruvajtha din ir-ricetta ta' silġ ‘traffic lights’ tal-frott frisk? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.