Fil-ġranet sħan tas-sajf xi ħaġa friska tinżillek għasel. Dan is-silġ biċ-ċirasa huwa s-soluzzjoni, u b’ingredjenti ġenwini nkunu nafu x’qed nieklu wkoll. Jekk għandek frott ieħor li tixtieq tuża tista’ faċilment tibdel maċ-ċirasa. U, biex ma tħossokx ħatja, kull porzjon fih anqas minn 50 kalorija!
Ħin: 10 minuti, u ħin biex tiffriża
Kwantità: 8
Ingredjenti:
- 250 g ċirasa friska, mingħajr għadam
- 200 g yoghurt Grieg
- Qoxra ta’ lumija, maħkuka rqiq
- Mgħarfa għasel
- Forom tas-silġ (ice lolly moulds)
Tħejjija:
- Itħan l-ingredjenti kollha flimkien bi proċessur tal-ikel, liquidiser jew blender sakemm ikollok taħlita lixxa.
- Ferra’ t-taħlita fil-forom, daħħal l-istikka f’kull wieħed u ffriża għal mill-inqas 3 sigħat.
Nota: Jekk ma għandekx forom tas-silġ adattati tista’ tuża tazzi tal-plastik żgħar, tħalli t-taħlita tibda tagħqad fil-friża, imbagħad iddaħħal stikek biex jibqgħu dritti qabel tkompli tiffriża. Imma sett forom isservuk għal żmien twil u huma investiment.
Ippruvajtha din ir-ricetta ta' silġ biċ-ċirasa friska ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
