Dan il-kejk naqqastlu l-ammont ta' żejt u minflok għandu ż-żejt taż-żebbuġa. Huwa wkoll bla glutina.
Għandek bżonn:
- 75 g dqiq bla glutina self raising
- 75 g trab tal-lewż
- Kuċċarina baking powder (gf)
- 35 g butir
- 60 g zokkor
- Mgħarfa għasel
- 35 ml żejt taż-żebbuġa
- 120 g ċirasa
- Ftit qtar tal-vanilja
- 2 bajdiet
- Qoxra ta' lumija maħkuka
- 2 mgħaref ilma; jekk hemm bżonn żid iżjed mgħarfa mgħarfa
Għandek bżonn dixx tal-kejkijiet 20 ċm u idilku ħafif bil-butir jew iksi bil-kartaforn
Metodu:
- Saħħan il-forn 170 °C
- Għarbel id-dqiq. Żid il-butir u ħaddem ġod-dqiq sakemm it-taħlita tiġi fina.
- Żid il-baking powder, iċ-ċirasa mqattgħa, il-vanilja u l-qoxra tal-lumija u z-zokkor.
- Ħabbat il-bajd maż-żejt. Żid l-ilma u l-għasel. Ħawwad.
- Żid it-taħlita tal-bajd mat-taħlita tad-dqiq.
- Ħawwad bil-mod b'furketta. Thabbatx izżżejjed.
- Ferragħ ġod-dixx tal-kejk.
- Aħmi fil-forn għal 25 minuta sakemm isir minn ġewwa u jieħu ftit kulur.
- Ħalli ġo landa għal 5 minuti.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
