Ħin: 30 minuta

Isservi: 4 persuni

Ingredjenti:

• 3-4 isdra tal-papra
• 2 mgħaref sagħtar frisk
• 2 ħlewwa stellata (star anise)
• 50 g butir

Għaz-zalza:

• Basla żgħira, imqattgħa rqiq
• 2 mgħaref żejt taż-żebbuġa
• 500 g għanbaqar aħmar miż-żgħir (cherry plums), imqaxxar u mqatta’
• 75 g zokkor ismar
• 100 ml inbid aħmar
• 500 ml stokk taċ-ċanga
• Melħ u bżar mitħun frisk

Tħejjija:

1. Saħħan iż-żejt f’taġen fuq nar moderat u qalli l-basla sakemm tirtab. Żid iz-zokkor u l-għanbaqar u ħawwad sakemm jinħall iz-zokkor, imbagħad żid l-inbid u tektek għal 15-il minuta sakemm iz-zalza tibda tagħqad.
2. Sadanittant saħħan il-forn għal temperatura ta’ 180°C.
3. Fellel il-ġilda tal-isdra u roxxhom bil-melħ u l-bżar. Saħħan taġen fuq nar moderat u poġġi l-isdra bil-ġilda ’l isfel fit-taġen. Aqli għal 6-8 minuti, imbagħad dawwarhom fuq il-wiċċ l-ieħor u żid il-butir, is-sagħtar u l-ħlewwa stellata, u ħalli l-butir jinħall biex jiksi l-papra. Poġġi l-isdra tal-papra u l-meraq f’dixx tal-forn u daħħal fil-forn għal madwar 7 minuti jekk tħobb il-papra roża jew għal 15-il minuta jekk tħobbha misjura sew.
4. Idlek il-papra bil-meraq tad-dixx u ħalliha toqgħod għal 5 minuti qabel tqattagħha.
5. Servi l-papra biz-zalza tal-għanbaqar fil-wiċċ.

Ippruvajtha din ir-riċetta ta' sider tal-papra b’zalza tal-għanbaqar? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!