Fix-xhur sħan tas-sajf jiżdied il-konsum tal-ħut frisk, kemm għax insibu nixtruh aktar u kemm għall-mod faċli li tista’ ssajru bih biex tevita ħinijiet twal fil-kċina.
Ħin: 25 minuta, u ħin għall-immarinar
Iservi: 4 persuni
Ingredjenti:
Għall-immarinar:
- 150 ml żejt taż-żebbuġa
- Meraq ta’ nofs lumija
- Qoxra maħkuka ta’ nofs lumija
- Mgħarfa origanu frisk, imqatta’
- Mgħarfa sagħtar frisk, imqatta’
- Mgħarfa ħabaq frisk, imqatta’
- Melħ u bżar mitħun frisk
Għall pixxispad:
- 4 biċċiet (ta’ madwar 200 g il-waħda) pixxispad
- Żejt taż-żebbuġa, biex tidlek
- Flieli tal-lumi, biex isservi
Tħejjija:
- Fi skutella ħallat flimkien iż-żejt; il-meraq u l-qoxra tal-lumi; l-origanu, il-ħabaq u s-sagħtar; melħ u bżar mitħun frisk. Poġġi l-pixxispad f’dixx u ferra’ t-taħlita fuqu. Dawwar il-pixxispad biex jinkesa kompletament , għatti d-dixx u poġġih fil-friġġ għal mill-inqas siegħa.
- Idlek grilja biż-żejt u saħħanha sew fuq nar moderat għal għoli. Ixwi l-pixxispad għal madwar 5 minuti fuq kull naħa sakemm isir sew minn ġewwa.
- Servi sħun mal-flieli tal-lumi.
