Reġa’ wasal żmien il-BBQs. Ħafna drabi l-ikel imsajjar fuq il-BBQ aktar jieħu ħin biex tippreparah milli ddum issajru. Dan huwa mod effettiv kif tipprepara porzjonijiet tal-patata, patata fil-foil, imħawrin u lesti biex isservihom.
Ħin: 35 minuta
Isservi: 4 persuni
Ingredjenti:
- 6 patatiet kbar, maħsulin tajjeb u mqattgħin dadi ta’ 1 ċm.
- 2 basliet kbar, imqattgħin flieli rqaq
- 3 mgħaref żejt taż-żebbuġa
- 100 g bacon, imqatta’ rqiq
- 100 g ġobon cheddar, maħkuk oħxon
- Kuċċarina melħ oħxon
- Kuċċarina paparika
Tħejjija:
- Fi skutella kbira ħallat il-patata mal-kumplament tal-ingredjenti sakemm tinkesa.
- Aqta’ 4 biċċiet foil ta’ madwar 30 ċm kull waħda u qassam it-taħlita fuqhom. Iġbed it-truf tal-foil flimkien u qartashom sew. Agħlaq ukoll it-truf. Jekk ikun hemm bżonn tista’ tgeżwirhom f’kisja oħra ta’ foil. It-taħlita ma tridx tkun issikata żżejjed.
- Poġġi l-pakketti fuq il-BBQ jaħraq għal madwar 8 minuti, imbagħad aqlibhom b’tongs u ħallihom għal 8 minuti oħra sakemm tirtab il-patata.
- Ħalli l-pakketti jibirdu għa 2 minuti qabel tiftaħhom, imbagħad servihom fil-foil stess jew fuq platti individwali.
