Kultant m'hemmx bżonn ħafna biex toħloq riċetta daqsxejn specjali. Hawn taħt tista' ssib riċetta biex tagħmel BBQ sauce mil-ġdid biex tużah bħala glaze għal 4 biċċiet salamun għal fuq il-grilja. Tiskanta x'differenza jagħmel!
Ingredjenti:
- 120g zokkor ismar
- 4 kuċċarini mustarda
- 3 imgħaref soy sauce
- 4 biċċiet salamun għal fuq il-grilja
- Melħ u bżar
Tħejjija:
- Ħallat iz-zokkor, il-mustarda u s-soy sauce ġo skutella u ħawwad. Żomm it-taħlita fil-friġġ.
- Lesti l-barbeque għax-xiwi jew saħħan il-grilja.
- Ħawwar is-salamun bil-bżar u l-melħ u poġġi l-ħuta fuq il-grilja.
- Dellek il-glaze fuq il-ħut int u ssajjar.
- Sajjar is-salamun fuq kull naħa sakemm ikun sar.
- Neħħi mil-grilja bilmod biex il-ħut ma jitfarrakx, u servi.
