Photo: Flickr/ Brian Brown
Il-pancakes bl-ananas huma adattati kemm għall-kolazzjon u kemm bħala deżerta meta sservihom ma’ ġelat jew krema.
Ħin: 50 minuta
Kwantità: 8
Ingredjenti:
- Bott roti tal-ananas (pineapple rings), imsaffijin
- 225 g dqiq self-raising, mgħarbul
- Kuċċarina trab tal-ħami (baking powder)
- 35 g gewż tal-indi mnixxef (dessicated coconut)
- 2 mgħaref zokkor fin (caster sugar)
- 250 ml ħalib
- 40 g butir, imdewweb
- ½ kuċċarina essenza tal-vanilla
- 2 bajdiet
- 20 g butir
- Ġelat tal-vanilla jew krema mħabbta jew għasel, biex isservi
Tħejjija:
- Ixxotta r-roti tal-ananas bil-karti tal-kċina.
- Fi skutella ħallat id-dqiq, it-trab tal-ħami, iz-zokkor u l-ġewż tal-indi.
- Fi skutella oħra ħabbat flimkien il-bajd, il-ħalib, il-butir imdewweb u l-essenza tal-vanilla.
- Ferra’ t-taħlita likwida f’dik xotta u ħabbat sakemm titħallat.
- Idlek taġen bil-butir u saħħnu fuq nar baxx għal moderat. Ferra’ 60 ml mit-taħlita fit-taġen u ifrixha għal dijametru ta’ madwar 12-il ċm. Poġġi rota tal-ananas fil-wiċċ tagħha u ħalliha tiħmar għal madwar 2 minuti, imbagħad aqlibha fuq in-naħa l-oħra għal 2 minuti oħra. Imsaħ it-taġen u erġa’ idilku bil-butir, saħħnu u erġa’ irrepeti sakemm tuża t-taħlita kollha.
- Servi l-pancakes sħan ma’ ġelat tal-vanilla, krema mħabbta, jew għasel.
