Kemm jista’ jkun fis-sajf nevitaw li nqattgħu ħafna ħin fil-kċejjen tagħna u nippreferu li nħejju affarijiet li jirrikjedu l-anqas ħin, bħalma huwa dan il-kejk li, minflok naħmuh fil-forn, inqegħduh fil-friġġ.

Ħin: 40 minuta, u ħin biex tkessaħ

Isservi: 8 persuni

Ingredjenti:

• 500 g gallettini digestive jew morning coffee
• 100 g butir
• 50 g kawkaw, u aktar biex troxx
• 150 g ċikkulata skura
• 50 g zokkor
• 150 g ġobon mascarpone
• 100 g ġellewż, inkaljat ħafif u mfarrak

Tħejjija:

1. Iksi landa tal-qiegħ jinqala’ ta’ 22 ċm dijametru bil-kartaforn.
2. Dewwb iċ-ċikkulata mal-butir banjumarija.
3. Farrak il-gallettini fin ħafna u poġġihom fi skutella; imbagħad żid iz-zokkor u l-kawkaw u ħawwad kollox sew.
4. Ferra’ fuqhom il-butir u ċ-ċikkulata mdewbin, żid il-ġobon mascarpone u ħabbat kollox sew flimkien. Fl-aħħar żid ukoll il-ġewż imfarrak.
5. Aqleb it-taħlita ppreparata fil-landa u poġġiha fil-friġġ għal mill-inqas sagħtejn.
6. Biex isservi, aqla’ l-kejk mil-landa u neħħilu l-karti, poġġih fuq platt ċatt u għarbel il-kawkaw fuq il-wiċċ.

Ippruvajtha din ir-ricetta ta' kejk taċ-ċikkulata kiesaħ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!