Riċetta: Insalata tal-patata u bajd

Egg and potato salad

Read this in English: Recipe: Potato and egg salad 

Insalata għal ħdejn il-baħar għal min ma jħobbx ħafna l-ħaxix; għalkemm din ukoll tista’ tisserva fuq sodda ta’ ħass imħallat li jagħmilha platt komplut u aktar vivaċi.

Ħin: 45 minuta

Isservi: 4 persuni

Ingredjenti:

  • 4 bajdiet
  • 600 g patata bajda, imqaxxra u mqattgħa dadi ta’ 2 ċm
  • Basla, imqattgħa
  • 150 g bacon, imqatta’
  • Mgħarfa żejt taż-żebbuġa
  • Mgħarfa meraq tal-lumi
  • 4 mgħaref mayonnaise
  • 150 g ġobon artab
  • 2 mgħaref ħabaq jew tursin frisk, imqatta’
  • Melħ u bżar mitħun frisk

 

Tħejjija:

  1. Poġġi l-patata f’kazzola, għattiha bl-ilma u għalliha fuq nar moderat sakemm tirtab mingħajr ma titfarrak. Saffi l-patata f’passatur.
  2. Sadanittant, f’kazzola oħra poġġi l-bajd, għattih bl-ilma u għallih għal 9 minuti.
  3. Saħħan iż-żejt f’taġen u qalli l-basla u l-bacon sakemm jibdew jiħmaru.
  4. Poġġi l-patata fi skutella kbira, żid il-bacon u l-basal.
  5. Fi skutella żgħira ħabbat flimkien il-meraq tal-lumi, il-mayonnaise il-ġobon artab, il-ħabaq jew tursin, melħ u bżar. Żid din it-taħlita mal-patata u ħawwad bil-mod sakemm tinkesa l-patata.
  6. Qaxxar u aqsam kull bajda f’erbgħa għat-tul u poġġihom fuq il-patata. Kessaħ għal sagħtejn fil-friġġ qabel isservi.

Ippruvajtha din ir-ricetta ta' insalata tal-patata u bajd? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.