Għal insalata tal-frott naqra differenti ppruvaw żidu lychees tal-bott biex tagħmlu xi ħaga naqra differenti u jekk tkunu qegħdin tistennew il-mistednin, servu l-insalata tal-frott ġo pineapple, jew xi bettieħa jew dulliegħa.
Ingredjenti:
- 500 g frott staġjonali frisk imħallat, imqatta'
- Bott lychees kbir ( madwar 400 g sa 500 g )
- Meraq ta' nofs larinġa
- Ponn nagħniegħ frisk, imqatta' fin
- Biex isservi, ġelat jew yoghurt
- Ftit lewż cashew nkaljat għall-wiċċ
Tħejjija:
- Ħallat il-frott ma nofs in-nagħniegħ u l-meraq tal-larinġa u poġġi fil-fridge għal madwar siegħa.
- Qabel ma sservi ħallat il-lychees tal-bott u l-bqija tan-nagħniegħ.
- Servi bil-ftit lewż cashew inkaljat fil-wiċċ mal-yoghurt jew ġelat.