Ir-riċetti tal-għagin fil-forn dejjem jieħdu togħma differenti, anke jekk fir-riċetta tuża l-istess ingredjenti ta’ riċetta oħra li ma tkunx moħmija. It-togħmiet jamalgamaw aktar f’xulxin u joħolqu platt delizzjuż.
Ħin: 55 minuta
Ingredjenti
Għal 4 persuni
- Melħ oħxon u bżar mitħun frisk
- 285 fażola ħadra, imnaddfa u mqattgħa f’biċċiet ta’ 3.5ċm.
- 225g għaġin mill-qasir, bħal fusilli u kavatelli
- Bexamella
- 2 bottijiet (140g il-wieħed) tonn abjad fl-ilma (solid white albacore tuna packed in water), imsaffi
- 4 biċċiet ħobż abjad tat-toast, mingħajr qoxra u mqatta’ biċċiet kbar
- 2 mgħaref butir mingħajr melħ, imdewweb
- Għalli l-fażola, f’kazzola bl-ilma bil-melħ, għal 5 minuti sakemm jaqbdu jitbielu.
- B’mgħarfa mtaqqba tella’ l-fażola u poġġiha f’passatur (tarmix l-ilma). Laħlaħ bl-ilma kiesaħ sakemm tibred u saffiha.
- Poġġi l-ilma fuq in-nar u meta jiftaħ jagħli itfa’ l-għaġin u għalli għal 2-3 minuti. Laħlaħ bl-ilma kiesaħ biex tberrdu u saffih.
- Saħħan il-forn għal temperatura ta’ 175°C.
- F’bieqja kbira ħallat flimkien l-għaġin, il-fażola ħadra u l-bexamella. Żid melħ u bżar mitħun frisk. Mat-taħlita żid u ħawwad bil-mod it-ton.
- Fi proċessur tal-ikel kisser fi frak oħxon il-biċċiet tal-ħobż, poġġihom f’bieqja u żid magħhom il-butir. Ħawwad.
- Poġġi t-taħlita tal-għagin u tonn f’dixx u iksi bil-frak tal-ħobż.
- Aħmi sakemm jibda jbaqbaq u l-frak tal-ħobż jieħu kulur dehbi, 25-30 minuta.
