See this recipe in English: Roasted cereal with apples and cranberries
Dan il-platt ta' ċereali hu adattat ferm għall-kolazzjon ta’ filgħodu, kemm għall-kbar u kemm għat-tfal. Tajjeb ħafna wkoll biex tnaqqru bħala snack nutrittiv f'kull ħin.
Preparazzjoni: 20 minuta
Ħin totali: siegħa
Kwantità: 16-il kikkra
Ingredjenti:
- 500 g ħafur (oats)
- 90 g quinoa
- 70 g żerriegħa tal-ward tax-xemx (sunflower seeds)
- 100 g ġewż, imkisser
- 2 kuċċarini trab tal-kannella (cinnamon)
- 250 ml golden syrup
- 250 ml għasel
- 85 ml żejt tal-ward tax-xemx (sunflower oil)
- 120 g cranberries imnixxfin
- 100 g tuffieħ imnixxef
Tħejjija:
- Saħħan il-forn għal temperatura ta’ 160°C. Iksi żewġ tilari bil-kartaforn.
- F’bieqja kbira ħallat flimkien il-ħafur, il-quinoa, iż-żerriegħa tal-ward tax-xemx, il-ġewż u t-trab tal-kannella.
- Żid il-golden syrup, l-għasel u ż-żejt u ħawwad sakemm jitħallat kollox sew.
- Ifrex it-taħlita indaqs fuq iż-żewġ tilari u aħmi għal 35-40 minuta. Ħawwad kull 10 minuti sakemm it-taħlita tibda tieħu lewn dehbi. Oħroġ minn ġol-forn u żid it-tuffieħ u l-cranberries. Ħallat kollox flimkien u ħalli t-taħlita tiksaħ fit-tilari stess.
- Kisser f’biċċiet żgħar u erfa’ f’kontenitur li jingħalaq sew sa tliet gimgħat.
Ippruvajtha din ir-riċetta? Għoġbitek? Ħalli kumment u r-rating tiegħek hawn taħt u agħfas share biex inkomplu nwasslulek iktar riċetti bħal din.
