Għal ħafna Maltin il-qargħa hi sinonima mal-kampanja Maltija, u naħsbu f'xeni ta' għelieqi mimlijin biha, tistenna li tinġabar, jew inkella ta' xi erbgħa minnhom jixxemxu fuq il-bejt ta' razzett. Il-qargħa, li fil-verità hi tip ta' frott, tinkludi fost oħrajn qargħa aħmar, qargħa twil, qargħa aħdar u qargħa bgħali u tidħol f'ħafna riċetti ta' platti tradizzjonali Maltin.
Imma kultant sabiħ ukoll li tgawdi togħmiet inqas tradizzjonali u differenti, bħal ma naraw f'dan il-filmat ta' riċetti mtella' minn Chef Sharon Vaknin, ta' AmericasHeartLand, fejn naraw kif nistgħu nużaw diversi tipi ta' qargħa biex noħolqu platti prinċipali mhux tas-soltu.
