Riċetta: Zalzett chorizo u patata bil-bajd u bżar mixwi

Riċetta: Zalzett chorizo u patata bil-bajd u bżar mixwi

Il-chorizo huwa zalzett Spanjol imħawwar. Issib tixtrih frisk, f'dan il-każ għandu jissajjar qabel jittiekel, u ssibu wkoll imnixxef. Il-kulur ħamrani tiegħu ġej mill-bżar aħmar affumikat li fih. Ħafna drabi dan iz-zalzett insibuh bħala ingredjent f'riċetta, u f'din ir-riċetta huwa akkumpanjat mill-patata, bżar mixwi u bajd, li flimkien jagħmlu ikla sodisfaċenti ħafna.

 

Ħin għall-preparament: 25 minuta

Ħin totali: 25 minuta

Ingredjenti

Għal 4 persuni

  • 1 kuċċarina żejt taż-żebbuġa ekstra verġni
  • 170g chorizo niexef, imqatta'
  • 450g patata ġdida, mgħollija u mqatta' roti ħoxnin
  • Vażett ta' 340g bżar aħmar mixwi, imsaffi u mqatta' fi strixxi ta' 2.5ċm
  • Melħ oħxon u bżar mitħun frisk
  • 1 mgħarfa butir
  • 4 bajdiet kbar

Metodu

  1. Saħħan iż-żejt f'taġen kbir fuq nar medju
  2. Żid il-chorizo u qalli sakemm jiħmar, madwar 3 minuti. Żid il-patata , imbagħad il-bżar u ħallihom sakemm jisħnu sew. Żid il-melħ u l-bżar u poġġi t-taħlita f'bieqja. Imsaħ it-taġen mill-fdalijiet.
  3. Fl-istess taġen ħoll il-butir fuq nar medju. Aqli l-bajd f'darbtejn, sakemm l-abjad jagħqad u t-truf jiħmaru, madwar 2 minuti.
  4. Servi t-taħlita tal-chorizo u patata bil-bajd moqli fil-wiċċ.

 
Ippruvajt din ir-riċetta?  Kif sibtha? Għidilna billi tħalli kumment hawn taħt.