L-ikla tradizzjonali Ingliża tal-laħam il-forn (English Roast) m'hijiex kompluta mingħajr il-gravy u l-yorkshire pudding, taħlita ta' dqiq, bajd u ħalib misjura fil-forn, li tiekolha flok il-ħobż. Darb'oħra li ssajjar fil-forn, agħmel din ir-riċetta wkoll.
Pariri biex il-yorkshire pudding tiġi minfuħa kif jixraq: ix-xaħam għandu jkun jaħraq ħafna, u tiftaħx il-bieba tal-forn waqt li qiegħed issajjar.
Ingredjenti:
- 140g dqiq plain
- 200ml ħalib
- 4 bajdiet
- Żejt għat-tisjir (sunflower oil)
Tħejjija:
- Saħħan il-forn għal-230 C.
- Ferragħ ftit żejt ġo tilar tal-muffins (għal 12) u poġġi fil-forn biex jisħon sew.
- Poġġi id-dqiq ġo skutella u ħabbat mal-bajd sakemm it-taħlita ssir uniformi.
- Bil-mod il-mod, żid il-ħalib u kompli ħabbat. It-taħlita għanda tkun bellusijja u mingħajr boċċi. Żid ftit bżar u melħ.
- Poġġi t-taħlita ġo buqar, neħħi t-tilar minn ġol-forn, u ferragħ t-taħlita ndaqs.
- Poġġi t-tilar fil-forn u sajjar għal madwar 20-25 minuta sakemm il-yorkshire puddings jitilgħu u jismaru. Huwa importanti ħafna li ma tiftaħx il-bieba tal-forn jew li ċċaqlaq it-tilar f'dan il-ħin.
- Servi immedjatament jew ħallihom jibirdu u erfagħhom fil-friża sa xahar.
