Dawn ir-wraps mimlijin huma adattati kemm biex iservihom waqt xi festin jew biex toħodhom miegħek għal xi picnic, għax-xogħol jew għall-iskola. Mimlijin bil-ġobon, tonn taż-żejt u ħaxix jagħmlu ikla ħafifa u fl-istess ħin nutrittiva.
Ħin: 15-il minuta
Kwantità: 12-il biċċa
Ingredjenti:
- 4 biċċiet ħobż ismar (wholemeal), mingħajr qoxra
- 2 imgħaref ġobon artab
- Bott tonn taż-żejt, imsaffi (tista’ tuża wkoll tal-ilma)
- ½ avokado, imqaxxra u mqattgħa flieli rqaq
- ½ karrotta, maħkuka
Tħejjija:
- Poġġi l-biċċiet tal-ħobż fuq board u ċċattjahom b’lembuba.
- Idlek kull biċċa bil-ġobon u poġġi ftit tonn taż-żejt, avokado u karrotti ħdejn xulxin fuq kull biċċa ħobż. Ħalli ta’ 1 ċm vojt minn tarf wieħed.
- Ibda gerbeb il-ħobż mit-tarf il-mimli biex tagħlaq u tissikka l-mili. Qatta’ kull romblu fi tliet biċċiet indaqs.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!