Il-frott mal-ikel mhux kullħadd jiggustah. Imma jekk ma tippruvax, qatt mhu ser tkun taf x’qiegħed titlef. F’din ir-riċetta mhux tas-soltu ssib frott u ħaxix b’togħmiet differenti immens, minn ħelu għal qares għal jaħraq, u t-togħma naturali tal-fażola, akkumpanjati bit-togħma ħelwa u mħawra tat-taħlita tal-wiċċ.
Ingredjenti
Għal 4 persuni
- ½ kikkra ħjar, mingħajr żerriegħa u mqatta’ dadi żgħar
- ½ kikkra zunnarija, maħkuka
- ½ kikkra basal aħmar, imqatta’ rqiq
- ½ kikkra frawli, imqatta’
- ½ kikkra ananas (pineapple), imqattgħa
- ½ kikkra papaja, imqattgħa
- ½ kikkra mango, imqatta’
- 425g fażola sewda tal-bott, imsaffija u mlaħalħa
- 1 mgħarfa kożbor frisk, imqatta’
- 2 mgħaref jalapeno
- 2 ħassiet twal mill-magħluq (baby romaine lettuce)
- 60g ġobon feta, imfarrak
- 30g rimi tal-piżelli ( snow pea shoots)
- 120g Remia honey mustard salad dressing (u aktar biex tbill)
- F’bieqja kbira ħallat flimkien il-ħjar, iz-zunnarija, il-basal, il-frawli, l-ananas, il-papaja, il-mango, il-fażola, il-kożbor u l-jalapeno.
- Itfa’ magħhom id-dressing u ħallat sakemm jinksew. Ħallihom joqogħdu għal 5 minuti.
- Iftaħ il-ħass weraq weraq u fin-nofs ta’ kull werqa poġġi mgħarfa mit-taħlita ta’ frott u ħaxix.
- Ifrex il-ġobon feta u żejjen bir-rimi tal-piżelli (snow pea shoots).
- Servi ma’ aktar dressing.
- Din it-taħlita ta’ frott u ħaxix tista’ sserviha ma’ laħam tal-majjal, tiġieġ u ħut.
