Iċ-ċikwejra hija bħal kaboċċa bil-weraq aħmar b'vini bojod. F'din ir-riċetta ħafna miċ-ċikwejra titqalla fiż-żejt taż-żebbuġa mat-tewm u l-bżar aħmar, imma l-kumplament jitħallat nej fl-aħħar. Minflok ċikwejra, għal din ir-riċetta, tista' tuża wkoll ħaxix morr ieħor bħall-indivja.
Ħin: 20 minuta
Ingredjenti
Għal 4 persuni
- 700g cikwejra ( 2 kbar jew 4 żgħar)
- Melħ
- 250g għaġin penne
- 2 mgħaref żejt taż-żebbuġa ekstra verġni
- 2 sinniet tewm, misħuqin
- 1/4-1/2 kuċċarina bżar aħmar imfarrak (red pepper flakes)
- 85g ġobon tal-ħalib tal-mogħoż
- 2 mgħaref kurrat selvaġġ (chives), imqatta' rqiq
- Aqsam iċ-ċikwejra min-nofs għat-tul u neħħilha z-zokk., imbagħad qattagħha mill-wisa' f'biċċiet ta' 1-1.5ċm. Warrab 2 kikkri miċ-ċikwejra għal aktar tard.
- Għalli l-għaġin f'borma kbira ilma jagħli bi ftit melħ.
- Sadanittant saħħan iż-żejt taż-żebbuġa f'taġen kbir fuq nar medju. Qalli fih it-tewm u l-bżar aħmar.
- Żid iċ-ċikwejra (minbarra ż-żewġ kikkri li warrabt) u ftit melħ, u tektek għal 5 minuti jew sakemm titbiel iċ-ċikwejra.
- Meta l-għaġin ikun kważi sar, tella' nofs kikkra ilma minn tiegħu u itfgħu maċ-ċikwejra. Żid il-ġobon u ħawwad. Żid ukoll iċ-ċikwejra nejja.
- Saffi l-għaġin u itfgħu mat-taħlita taċ-ċikwejra. Żid ukoll il-kurrat selvaġġ u ħallat kollox flimkien. Servi fil-pront.
Informazzjoni nutrittiva għal kull porzjon: 473 kalorija; 13g xaħam; 4g xaħam saturizzat; 3g xaħam poli mhux saturizzat; 6g xaħam mono mhux saturizzat; 10mg kolesterol; 72g karboidrati; 4g fibra tad-dieta; 122mg sodju (mhux inkluż il-melħ miżjud għat-togħma); 17g proteina.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
