Riċetta veġetarjana: Xgħir (barley) bil-mushrooms

Barley with mushrooms: Xgħir (barley) bil-mushrooms

Għal min ma jiggustax ir-ross, din hija verżjoni differenti ta’ ‘risotto’ imma minflok ir-ross din ir-riċetta tuża x-xgħir (barley).

Ħin: 45 minuta

Isservi: 4 persuni

Ingredjenti:

  • 150 g xgħir (barley), imnaddaf u maħsul
  • Litru stokk tat-tiġieġ jew ħaxix, sħun
  • 2 imgħaref żejt taż-żebbuġa
  • Basla żgħira, imqattgħa
  • 80 ml inbid abjad
  • 250 g faqqiegħ (mushrooms), imnaddaf u mqatta’
  • Kurrata (leek), imnaddfa u mqattgħa
  • 2 imgħaref ħabaq frisk, imqatta’
  • Melħ u bżar mitħun frisk
  • 2 imgħaref ġobon Parmiġġan, maħkuk

Tħejjija:

  1. Saħħan mgħarfa żejt taż-żebbuġa f’taġen kbir u fond fuq nar moderat.
  2. Żid il-basla u qalli sakemm tirtab.
  3. Żid ix-xgħir u ħawwad sakemm jinkesa biż-żejt.
  4. Żid l-inbid u ħawwad sakemm jinxtorob.
  5. Żid kuċċarun stokk u ħawwad sakemm jinxtorob ukoll.
  6. Kompli żid l-istokk b’dan il-mod sakemm isir ix-xgħir. Jista’ jkun li jibqagħlek xi ftit stokk żejjed.
  7. Saħħan l-imgħarfa żejt li jkun fadal f’taġen fuq nar moderat u żid il-faqqiegħ u l-kurrata. Qalli għal madwar 5 minuti sakemm jirtabu u jibdew jieħdu l-kulur.
  8. Ħallat il-faqqiegħ u kurrat max-xgħir u żid ukoll il-ħabaq.
  9. Servi fil-pront bil-ġobon Parmiġġan fil-wiċċ.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar.

Would you like to read this recipe in English? Let us know in the comments section below!