Riċetta veġetarjana b’ingredjenti Mediterranji. Tista’ tipprepara din ir-riċetta minn qabel imbagħad issaħħan il-weraq mimli fiz-zalza meta tiġi bżonn.
Preparazzjoni: 20 minuta
Ħin totali: siegħa
Isservi: 4 persuni
Ingredjenti:
- Litru ilma, imqassam
- 8 werqiet tal-kaboċċa
- Melħ
- 175 g couscous
- 2 imgħaref żejt taż-żebbuġa
- 4 sinniet tewm, misħuqin
- 4 tadamiet imdaqqsin, imnaddfin u mqattgħin żgħir
- Mgħarfa ħall tal-inbid aħmar
- Kuċċarina zokkor
- ¼ kuċċarina trab tal-kannella (cinnamom)
- 100 g ġobon feta
- 3 imgħaref żebbuġ iswed mingħajr għadma, imqatta’
- 3 imgħaref nagħnigħ frisk, imqatta’
Tħejjija:
- Għalli 500 ml mil-ilma f’taġen kbir. Żid il-weraq tal-kaboċċa u għatti t-taġen. Baxxi n-nar u tektek għal 5 minuti sakemm jirtab il-weraq.
- Għalli 400 ml mil-ilma ma’ niskata melħ f’kazzola żgħira. Żid il-couscous, ħawwad u neħħi l-kazzola minn fuq in-nar. Ħalli l-couscous joqgħod għal 5-6 minuti.
- Tella’ l-weraq mill-misħun u ħallihom jibirdu. Armi l-ilma u xxotta t-taġen.
- Saħħan iż-żejt fit-taġen fuq nar medju, żid it-tewm u qalli għal 30 sekonda.
- Żid it-tadam, il-ħall, iz-zokkor, it-trab tal-kannella, niskata melħ u l-100 ml ilma li jkun fadal. Ħalli t-taħlita tiftaħ tagħli, baxxi n-nar u tektek għal 10 minuti.
- Sadanittant ħallat il-ġobon feta, iż-żebbuġ u 2 imgħaref min-nagħniegħ mal-couscous.
- Qassam il-couscous bejn il-weraq tal-kaboċċa fuq in-naħa taz-zokk. Ilwi l-ġnub ta’ kull werqa ’l ġewwa u gerbeb il-werqa.
- Poġġi l-weraq mimli fiz-zalza tat-tadam bin-naħa l-miftuħa ’l isfel, għatti u tektek għal madwar 8 minuti, sakemm il-weraq mimlijin jisħnu sew u jirtabu.
- Servi l-weraq tal-kaboċċi mimli maz-zalza u żejjen bin-nagħniegħ imqatta’
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
