Għaġin b’zalza veġetarjana li huwa adattat ukoll biex jisserva bħala l-ewwel platt, kemm qabel ħut, laħam jew inkella tjur.
Ħin: 40 minuta
Iservi: 4 persuni
Ingredjenti:
- 350 g pappardelle
- 60 ml żejt taż-żebbuġa
- Werqa tar-rand
- ½ kuċċarina żerriegħa tal-bużbież (fennel seeds)
- 2 sinniet tewm, misħuqin
- Basla kbira tal-bużbież (fennel bulb), maqsuma min-nofs u mqattgħa rqiq għat-tul
- Ftit weraq tal-bużbież, biex iżżejjen
- 2 imgħaref tursin frisk, imqatta’
- Mgħarfa ħabaq frisk, imqatta’
- Mgħarfa meraq tal-lumi
- Melħ oħxon
- Bżar mitħun frisk
Tħejjija:
- Poġġi borma kbira bl-ilma bil-melħ fuq nar għoli biex tagħli.
- Sadanittant, saħħan iż-żejt taż-żebbuġa ġo taġen kbir fuq nar moderat.
- Żid iż-żerriegħa tal-bużbież, il-werqa tar-rand u t-tewm u qalli għal 2 minuti.
- Imbagħad poġġi l-basla mqattgħa f’saff wieħed fit-taġen; ħalli l-basla ssir mingħajr ma tqallibha għal 3 minuti sakemm tibda tiħmar id-dawra tat-tarf.
- Għalli l-għaġin sakemm ikun al dente, saffiħ u aqilbu fit-taġen.
- Żid it-tursin, il-ħabaq, niskata melħ u bżar u ħallat kollox flimkien.
- Servi fil-pront imżejjen bil-weraq tal-bużbież.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
