Riċetta veġetarjana: Indivja bil-ġobon tat-tursina

Riċetta veġetarjana: Indivja bil-ġobon tat-tursina

Din l-insalata għanda kkumbinati żewġ togħmiet qawwijin – it-togħma morra tal-indivja u dik pjuttost taħraq tal-ġobon tat-tursina, biex fl-aħħar tgħaqqad kollox it-togħma ħelwa tat-tuffieħ.

 

Ħin: 15-il minuta

Ingredjenti

Għal 4 persuni

 

  • 1 sinna tewm, misħuqa
  • 1/2 kikkra jogurt naturali, miżjud bi ftit ħalib jekk ikun magħqud
  • 2 mgħaref żejt taż-żebbuġa ekstra verġni
  • Melħ u bżar mitħun frisk
  • 50g ġobon tat-tursina (blue cheese), f'temperatura tal-kamra u mfarrak
  • 1/2 kuċċarina mustarda Dijon
  • 4 indiviet kbar jew 6 ta' daqs medju
  • kurrat selvaġġ (chives), imqatta' rqiq
  • 1 tuffieħa, imqaxxra u mqattgħa biċċiet żgħar, imdawra fil-meraq tal-lumi
  1. Ħabbat flimkien il-jogurt u t-tewm f'bieqja.
  2. Żid iż-żejt taż-żebbuġa, melħ u bżar u kompli ħabbat.
  3. Żid il-ġobon tat-tursina u l-mustarda u ħabbat sakemm ikollok taħlita pjuttost lixxa.
  4. Aqta' t-truf tal-indivja u aqsam kull waħda f'erbgħa.
  5. Irranġahom fuq platt kbir li sservi fuqu, jew platti individwali, u roxx iz-zalza tal-ġobon fuqhom.
  6. Żejjen bil-kurrat selvaġġ u bit-tuffieħ u servi.

Informazzjoni nutrittiva għal kull porzjon: 193 kolorija; 12g xaħam; 4g xaħam saturizzat; 2g xaħam poli mhux saturizzat; 6g xaħam mono mhux saturizzat; 15mg kolesterol; 6g karboidrati; 8g fibra tad-dieta; 275mg sodju (ma jinkludix il-melħ miżjud għat-togħma); 7g proteina