Dan id-dixx veġetarjan għandu t-togħmiet bnini tal-ħaxix tar-rebbiegħa u s-sajf. Tista’ tipprepara ammont akbar, iżżommu fil-friġġ u żżidu ma’ pizza jew bħala kontorn ta’ platti oħrajn ukoll.
Ħin: sagħtejn
Isservi: 4-6 persuni
Ingredjenti:
- 600 g tadam, imqaxxar u mqatta’
- 3 tadamiet żengulin, imqattgħin roti
- 5-6 patatiet imdaqqsin, imqaxxrin u mqattgħin roti ta’ 1 ċm
- Brunġiela kbira, maqsuma min-nofs għat-tul u mqatta’ biċċiet ta’ 1 ċm għall-wisa’
- 4 qarabagħliet mit-twil, imqattgħin roti ta’ 1 ċm
- 2 basliet, imqattgħin flieli ta’ 1 ċm
- 4 sinniet tewm, imqattgħin irqiq
- Mgħarfa origanu mnixxef
- 200 ml żejt taż-żebbuġa
- 3 werqiet tar-rand
- Żejt taż-żebbuġa biex troxx
- Melħ oħxon u bżar mitħun frisk
Tħejjija:
- Saħħan il-forn għal temperatura ta’ 200°C.
- Ħallat it-tadam imqatta’ fi skutella maż-żejt taż-żebbuġa, l-origanu, it-tewm, u melħ u bżar.
- F’dixx kbir tal-forn ferrex il-basal u fuqu ferra’ 1/3 tat-taħlta tat-tadam.
- Fuqhom ifrex f’saff il-patata u ferra’ 1/3 ieħor mit-tadam.
- Fit-tielet saff ifrex il-brunġiel u ferra’ l-aħħar 1/3 tat-taħlita tat-tadam.
- Fl-aħħar poġġi r-roti tal-qarabagħli u l-weraq tar-rand u r-roti tat-tadam fil-wiċċ.
- Roxx biż-żejt, bżar u melħ u għatti d-dixx bil-foil.
- Aħmi għal 45 minuta, imbagħad neħħi l-foil u qalleb il-ħaxix sew.
- Erġa’ daħħal id-dixx mikxuf fil-forn u kompli aħmi għal 45-60 minuta oħra, jew sakemm tara li l-ħaxix sar sew u ħa l-kulur.
- Servi sħun ma’ ħobż frisk bil-qoxra.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
