Riċetta veġetarjana: Għaġin il-forn bil-ġobon u s-salvja (sage)

Baked pasta with cheese and sage: Għaġin il-forn bil-ġobon u s-salvja

Riċetta għal min iħobb ħafna l-ġobon – għaġin il-forn bi tliet kwalitajiet ta’ ġobon differenti.

Ħin: 40 minuta

Isservi: 4 persuni

Ingredjenti:

  • 400 g għaġin irrigat
  • 2 imgħaref butir
  • 2 imgħaref dqiq
  • 400 ml ħalib
  • 50 g ġobon cheddar, maħkuk oħxon
  • 100 g ġobon brie, imqatta’
  • 30 g ġobon Parmiġġan, maħkuk irqiq
  • 10 werqiet tas-salvja (sage) friski
  • 2 imgħaref tursin frisk, imqatta’
  • Melħ u bżar midħun frisk

Tħejjija:

  1. Saħħan il-forn għal temperatura ta’ 200°C.
  2. Għalli l-għaġin f’borma kbira bl-ilma bil-melħ sakemm isir al dente. Saffi l-għaġin u erġa’ itfgħu fil-borma.
  3. Sadanittant, dewweb il-butir f’kazzola fuq nar medju. Żid id-dqiq u ħawwad għal nofs minuta.
  4. Neħħi l-kazzola minn fuq in-nar u żid il-ħalib ftit ftit filwaqt li tħabbat b’ħabbata tal-bajd sakemm ikollok taħlita lixxa mingħajr boċċi.
  5. Erġa’ poġġi l-kazzola fuq in-nar u ħawwad sakemm it-taħlita tibda tagħqad.
  6. Żid il-ġobon kollu u ħawwad skemm jinħall.
  7. Qatta’ rqiq 6 werqiet mis-salvja u żidhom maz-zalza tal-ġobon flimkien ma’ ftit melħ u bżar mitħun frisk.
  8. Ħallat iz-zalza mal-għaġin u aqsam it-taħlita bejn erba’ dixxijiet ta’ porzjon il-wieħed li jidħlu fil-forn.
  9. Poġġi werqa tas-salvja sħiħa fuq kull porzjon u aħmi għal 25 minuta jew sakemm jiħmar il-wiċċ.
  10. Servi l-għaġin sħun bit-tursin imferrex fil-wiċċ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!