Il-colcannon ( Patata maxx) huwa platt tradizzjonali Irlandiż li jikkonsisti minn patata mgħaffġa u ħaxix ieħor bħal tipi differenti ta’ kaboċċi. F’din ir-riċetta t-tuffieħa tagħti togħma pjuttost ħelwa.
Ħin: 50 minuta
Ingredjenti
Għal 6 porzjonijiet
- 13kg qargħa ħamra mit-twila, imqaxxra u mqattgħa dadi ta’ 2ċm
- 2 mgħaref żejt ekstra verġni
- Melħ
- Tuffieħa, bin-nofs imnaddaf
- 3 mgħaref butir
- 285g patata, maqsuma fi tnejn jekk kbira
- ½-¾ kikkra ħalib
Metodu
- Saħħan il-forn għal temperatura ta’ 220°C.
- Iksi tilar bil-kartaforn. Ifrex il-qargħa ħamra fuqha u roxx biż-żejt taż-żebbuġa u melħ. Dawwar il-qargħa ħamra sakemmm tinkesa kollha.
- Poġġi t-tuffieħa fuq it-tilar ukoll u idlikha biż-żejt. Daħħal kuċċarina butir fit-toqba vojta ta’ nofs it-tuffieħa.
- Aħmi għal 20-30 minuta; dawwar il-qargħa ħamra kull 10 minuti, sakemm tirtab u tibda tieħu l-kulur. It-tuffieħa trid tkun ratba sew; jekk issir qabel oħroġha mill-forn, poġġiha fuq platt u ħalliha tibred.
- Qaxxar it-tuffieħa u obrox xi biċċiet li jibqgħu imwaħħlin mal-qoxra u itfagħha mal-qargħa ħamra.
- Sadanittant poġġi l-patata f’kazzola u għattiha b’2.5ċm ilma. Poġġiha fuq in-nar u meta tagħli żid il-melħ. Baxxi n-nar, għatti l-kazzola parzjalment u ħalliha tagħli għal 25-30 minuta, sakemm tirtab. Saffi mill-ilma u erġa’ poġġiha fil-kazzola. Għatti l-kazzola bl-għatu u ħalli l-patata fil-fwar għal 5 minuti.
- Saħħan il-ħalib u l-butir flimkien sakemm idub il-butir.
- Għaffeġ il-patata, il-qargħa ħamra u t-tuffieħa flimkien.
- Żid il-ħalib u ħabbat sakemm ikollok taħlita lixxa. Żid il-melħ u l-bżar. Servi sħun.
Tista’ tipprepara l-colcannon il-ġurnata ta’ qabel u ssaħħanha billi tagħmilha banjumarija, jew tpoġġiha f’forn b’nar baxx, b’biċċa butir fil-wiċċ biex ma tinxifx.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
