Dan huwa platt tradizzjonali Irlandiż magħruf bħala colcannon, li huwa magħmul l-aktar minn patata mgħaffġa, u tipi differenti ta’ kaboċċi. L-għerq tal-karfus, jew celeriac, huwa ħaxix li mhux apprezzat biżżejjed imma li ġeneralment jintgħoġob meta wieħed jippruvah, bħal meta jkun imqatta’ rqiq ma’ insalata li tissejjaħ celery remoulade. L-aħjar tal-għerq tal-karfusa joħroġ bis-sajran għax joħroġ ftit tal-ħlewwa bħalma toħroġ il-kaboċċa ħamra. Dan il-purè jieħu kulur fir-roża minħabba l-kaboċċa ħamra.
Ħin: 35 minuta
Ingredjenti
Għal 6 porzjonijiet
- 565g patata, maħsula sew
- 565g għeruq tal-krafes (celeriac)
- Melħ
- 1 mgħarfa żejt taż-żebbuġa ekstra verġni
- ½ kaboċċa ħamra mdaqqsa, maqsuma f’erbgħa, mingħajr zokk u mqattgħa (madwar 4 kikkri)
- ½-1 kuċċarina żerriegħa tal-karwi (caraway seed)
- 2 ½ mgħaref butir mingħajr melħ
- ¾ kikkra ħalib
- Bżar mitħun frisk
Metodu
- Poġġi l-patata u l-għeruq tal-krafes f’kazzola u għatti b’2.5ċm
- Poġġihom fuq in-nar, żid il-melħ u meta l-ilma jiftaħ jagħli baxxi n-nar, għatti l-kazzola parzjalment, u ħalli kollox ibaqbaq bil-mod għal 25-30 minuta jew sakemm jirtabu.
- Saffi mill-ilma, erġa’ għalaq il-kazzola bl-għatu u ħalliha hekk għal 5 minuti. Qaxxar il-patata.
- Sadanittant saħħan iż-żejt taż-żebbuġa f’taġen u żid il-kaboċċa. Ħawwad sakemm il-kaboċċa tibda titbiel, madwar 5 minuti.
- Żid iż-żerriegħa tal-karwi u aktar melħ jekk tixtieq. Ħallat kollox flimkien. Għatti t-taġen u ħallih fuq nar medju filwaqt li tħawwad sikwit sakemm il-kaboċċa tirtab sew, madwar 10 minuti. Jekk il-kaboċċa tibda teħel mal-qiegħ tat-taġen żid ftit ilma.
- Neħħi t-taġen minn fuq in-nar u żid il-bżar u l-melħ.
- Saħħan il-ħalib u l-butir flimkien sakemm il-butir idub.
- Għaffeġ il-patata u l-għeruq tal-krafes.
- Żid il-ħalib u ħawwad sakemm ikollok taħlita lixxa.
- Żid il-kaboċċa u ħawwad kollox flimkien.
- Żid aktar melħ u bżar jekk ikun hemm bżonn. Servi sħun.
Tista’ tipprepara l-colcannon il-ġurnata ta’ qabel u ssaħħanha billi tagħmilha banjumarija b’biċċa butir fil-wiċċ biex ma tinxifx.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.