Dawn il-pastini tal-lewż ċkejknin huma eċċellenti biex iservihom flimkien ma’ kikkra kafè jew te, jew biex jakkumpanjaw deżerti oħrajn bħal ġelat.

Preparazzjoni: 30 minuta

Ħin totali: siegħa u 10 minuti

Kwantità: 24

Ingredjenti:

• 140 g lewż mitħun
• 115 g butir
• 2 imgħaref zokkor fin (caster sugar)
• ½ kuċċarina essenza tal-vanilla
• 140 g dqiq, mgħarbul
• 2 imgħaref zokkor tal-ġelu (icing sugar)

 Tħejjija:

1. Saħħan il-forn għal temperatura ta’ 180°C. Iksi tilar bil-kartaforn.
2. Ħabbat il-butir u z-zokkor flimkien sakemm ikollok taħlita ħafifa u kremuża.
3. Żid il-lewż mitħun, id-dqiq u l-essenza tal-lewż. Ħawwad kollox flimkien biex tifforma għaġina lixa.
4. Ifforma l-għaġina fi blalen daqs ta’ ġewża. Poġġihom fuq it-tilar u aħmihom għal 35 minuta.
5. Oħroġ il-pastini mill-forn, għarbel iz-zokkor tal-ġelu fuqhom u erġa daġġalhom fil-forn għal 2 minuti oħra.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!