Riċetta: Torti żgħar bil-bajd u l-bacon

Riċetta ta’ torti żgħar (mingħajr għaġina) bil-bajd, bacon u kurrat ideali għall-kolazzjon, bħala ikla ħafifa jew biex toħodhom miegħek ix-xogħol, l-iskola jew anke għal xi picnic.

Ħin: 55 minuta

Isservi: 6 persuni

Ingredjenti:

8 listi bacon mingħajr il-ġilda
2 mgħaref żejt taż-żebbuġa
2 kurratiet (leeks) żgħar, il-parti bajda u ħadra ċara biss, imnaddfin, maqsumin għat-tul u mqattgħin irqiq.
10 bajdiet, f’temperatura tal-kamra
80ml krema doppja
1 mgħarfa mustarda taż-żerriegħa (wholegrain)
Weraq tari tal-aruka, biex isservi

Metodu:

Saħħan il-fonr għal temperature ta’ 160°C. idlek landa tal-muffins (jesgħu ⅔ kikkra kull toqba) ta’ b’sitta, jew uża t-tip magħmulin mill-foil. Qatta’ rqiq 5 listi mill-bacon u l-kumplament aqsmu min-nofs għat-tul.
Saħħan taġen fuq nar moderat u żid il-bacon imqatta’ għat-tul. Ixwi għal 2 minuti fuq kull naħa sakemm jiħmar. Neħħih mit-taġen u poġġih fuq karti tal-kċina.
Fit-taġen ferra’ ż-żejt taż-żebbuġa u saħħan fuq nar medju. Żid il-bacon imqatta’ rqiq u l-kurrat. Ħawwad għal madwar 5 minuti jew sakemm il-kurrat jirtab.
F’bieqja ħabbat 4 mill-bajdiet flimkien mal-krema, il-mustarda u melħ u bżar. Żid ukoll it-taħlita tal-kurrat u ħawwad sew. Imla t-toqob tal-landa jew foil b’din it-taħlita.
Dawwar strixxa bacon mat-tarf ta’ kull toqba. Ifqa’ bajda f’kull toqba u roxx bil-melħ u l-bżar. Aħmi għal 20 minuta jew sakemm jagħqad il-bajd. Berred fil-forom għal 10 minuti. Servi sħan jew kesħin servuti mal-weraq tal-aruka.