Dejjem nipprova nnaqqas iż-żjut żejda u nagħmel riċetti aktar addattati għas-saħħa biex fl-istess ħin ma niċċaħħdux.
Ingredjenti tal-għagina:
- 120 g dqiq wholemeal
- 120 g dqiq
- 80 g butir
- 6 sa 10 mgħaref ilma skont kemm għandek bżonn
- Ftit qtar meraq tal-lumi frisk
Metodu:
1. Għarbel id-dqiq. Żid il-butir u ħaddem ġol-għaġina sakemm jiġi fin.
2. Żid il-meraq tal-lumi u l-ilma ftit ftit.
3. Ħallat flimkien sakemm tagħqad l-għaġina.
4. Għattiha u qegħedha ġol-fridge għal siegħa.
Ingredjenti għall-mili:
- 200 g kapuljat tat-tiġieġ
- Nofs kuċċarina trab tal-cayenne
- Nofs kuċċarina trab tal-kemmun
- Basla mqattgħa
- Nofs tewma maħkuka
- 100 g faqqiegħ imqatta'
Metodu:
Sajjar il-basla ġo ftit żejt ġo taġen. Żid it-tewma u t-tiġieġ, imbagħad il-faqqiegħ. Sajjar. Żid il-ħwawar. Żid iz-zalza bajda. Ħawwad u neħħi minn fuq in-nar.
Ingredjenti għaz-zalza bajda:
- 15-il g butir
- 15-il g dqiq
- 125 g ħalib xkumat (skimmed)
- Melħ u bżar
Metodu:
Dewweb il-butir, żid id-dqiq. Ħawwad. Żid il-ħalib ftit ftit u ħawwad sakemm teħxien it-taħlita.
- Iftaħ l-għaġina u iksi dixx tat-torti. Ferragħ t-taħlita tat-tiġieġ, imbagħad agħmel il-wiċċ billi tiksih b'saff għaġina rqiqa.
- b'pinzell idlek il-wiċċ bi ftit bajda mħallta mal-ilma.
- Aħmi għal 45 minuta b'180 °C sakemm issir u tieħu kulur sabiħ.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
