Din hija riċetta għal min mhux midħla ħafna tal-kċina iomma jrid jimpressjona! Din it-torta – li fil-fatt mhi torta xejn – hija ħafifa immens biex tagħmilha, għax kulma għandek tagħmel hu biss li tħallat l-ingredjenti kollha f’daqqa u taħmi, u waħt il-ħami t-taħlita tinfired u tifforma qoxra fil-qiegħ simili tal-għaġina!
Ħin: siegħa u 20 minuta, u ħin biex tberred u tkessaħ
Isservi: 6 persuni
Ingredjenti:
- 225 g zokkor fin (caster sugar)
- 65 g dqiq, mgħarbul
- 100 g butir
- 100 g ġewż tal-indi mnixxef (dessicated coconut)
- 100 g lewż imqatta’ rqiq għat-tul (slivered)
- 4 bajdiet
- 2 mgħaref qxur tal-larinġ, maħkuk
- mgħarfa qxur tal-lumi, maħkuk
- 125 ml meraq tal-larinġ
- 125 ml meraq tal-lumi
- 250 ml ħalib tal-ġewż tal-indi (coconut milk)
Tħejjija:
- Saħħan il-forn għal temperatura ta’ 180°C. idlek turtiera ta’ 28 ċm bil-butir.
- Poġġi l-ingredjenti kollha f’daqqa fi skutella kbira u b’ħabbata tal-elettriku ħabbat kollox sew flimkien. Ferra t-taħtita fit-turtiera ppreparata u aħmi għal madwar siegħa jew sakemm jiħmar il-wiċċ. Ħalliha tibred sew u kessaħha fil-friġġ għal siegħa.
- Servi t-torta ma’ krema mħabbta.
Ippruvajtha din ir-ricetta tat-torta ħafifa tal-ġewż tal-indi (coconut) ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
