Ir-riċetta tat-tiġieġ Tikka Masala nħolqot f’Londra, u ta’ spiss, jirreferu għaliha bħala d-dixx Britanniku nazzjonali. Tieħu t-togħma b’saħħitha tagħha mill-ħwawar aromatiċi bħall-bżar aħmar (cayenne), kemmun (cumin)  u ż-żagħfran tal-Indja (turmeric) li jfakkruk fil-kċina Indjana. Fittet fiz-zalza ta’ dan id-dixx kremuż u mimli togħma bil-ħobż naan sħun.

Ħin totali: 3 sigħat u 5 minuti
Preparazzjoni: 25 minuta
Preparazzjoni mhux attiva: sagħtejn

Tisjir: 40 minuta

Isservi:  4

Ingredjenti:

• 5 sinniet tewm imqattgħa
• Pulzier u nofs ġinġer, imqaxxar u mqatta’
• 2 kuċċarini żerriegħa tal-kosbor (coriander seeds)
• 2 kuċċarini żerriegħa tal-kemmun (cumin seeds)
• Kikkra jogurt Grieg
• 3 kuċċarini paprika
• 3 kuċċarini meraq tal-lumi (daqs nofs lumija)
• kuċċarina u nofs zokkor
• ½ kuċċarina żagħfran tal-Indja (turmeric)
• ¼ ta' kuċċarina bżar cayenne
• Melħ koxer u bżar mitħun frisk
• 700 g koxox tat-tiġieġ mingħajr ġilda u għadam, maqsumin f’biċċiet kbar
• 3 mgħaref butir mingħajr melħ
• 1 basla mezzana, imqattgħa f’biċċiet żgħar
• Bżaru aħmar (serrano pepper) biż-żerriegħa jew mingħajr, imqatta’ f’biċċiet żgħar
• Landa ta’ 800 g tadam sħiħ imqaxxar (imqatta’ f’erba’ biċċiet)
• 1/4 ta' kikkra krema (heavy cream)
• kuċċarina u nofs garam masala
• 2 mgħaref kosbor karwiżit (coriander) frisk imqatta’
• Ross abjad stimjat, biex isservi

Metodu

1. Ħallat it-tewm u l-ġinġer fi blender flimkien ma’ ¼ ta’ kikkra ilma. Ittowstja ż-żerriegħa tal-kosbor u tal-kemmun f’taġen żgħir fuq nar medju-għoli sakemm jibdew ifuħu, għal xi 3 minuti, u wara farrakhom f’lida u mehrież (pestle and mortar) jew spice grinder sakemm isiru trab.
2. Fi skutella ħallat flimkien 2 mgħaref mill-purè ta’ tewm u ġinġer, 2 kuċċarini mit-taħtlita taż-żerriegħa tal-kemmun u kosbor, il-jogurt, il-kuċċarina u nofs paprika, il-meraq tal-lumi, ½ kuċċarina zokkor, ¼ ta' kuċċarina żagħfran, il-cayenne, kuċċarina melħ u ¼ ta' kuċċarina bżar iswed. Immarina t-tiġieġ fit-taħlita u iksi l-iskutella bil-clingfilm u ħalliha fil-friġġ għal 2 sa 4 sigħat.
3. Saħħan il-butir f’tip ta’ borma li tissejjaħ Dutch oven jew f’borma b’wiesgħa b’qiegħ tqil fuq nar medju. Żid il-basal u l-bżaru aħmar u sajjarhom sakemm il-basal jirtab, għal xi 5 minuti. Żid 2 mgħaref tal-purè ta’ tewm u ġinġer u l-bqija tat-taħlita taż-żerriegħa tal-kosbor u l-kemmun, paprika u żagħfran tal-Indja, u ħawwadhom il-ħin kollu għal xi 3 minuti biex issajjar il-ħwawar, imbagħad żid il-kuċċarina zokkor li fadal, it-tadam bil-meraq kollu tiegħu u kikkra u nofs ilma. Ħallihom itektku fuq nar baxx-medju, parzjalment mgħottija bl-għatu għal 25 minuta.  
4. Saħħan il-grill minn qabel. Neħħi  l-marinat żejjed minn fuq il-koxox tat-tiġieġ u qegħedhom imbegħdin minn xulxin fuq karta tat-tisjir fuq xkaffa tal-forn.  Żid ftit bżar u melħ u qegħedhom xi 5 pulzieri mill-grill. Sajjarhom għal xi 5 minuti, imbagħad dawwar it-tiġieġ u sajjarhom sakemm it-tiġieġa tkun misjura u tirreġistra 74 °C fuq termometru tal-laħam. Poġġihom fi skutella kbira.
5. Żid il-krema u l-garam masala maz-zalza u ħallihom itektku fuq in-nar għal 5 minuti.  Ferragħ z-zalza fuq it-tiġieġ u żid il-kosbor karwiżit.

Ippruvajtha din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.