Ingredjenti:
- 8 biċċiet koxox tat-tiġieġ bl-għadam u bla ġilda
- 8 biċċiet perżut arrosto
- 2 mgħaref żejt taż żebbuġa
- Ftit dqiq
- Kikkra nbid abjad
- Kikkra stokk tat-tiġieġ
- Salvja friska
- Bżar mitħun frisk u melħ
- Toothpicks
Tħejjija:
- Poġġi l-biċċiet tat-tiġieġ ġo stretch and seal. Sawwat il-biċċiet ġentilment billi tuża martell.
- Fuq kull biċċa tiġieġa poġġi biċċa perżut u werqa salvja. Uża toothpick biex iżżommhom flimkien.
- Ferrex ftit dqiq fuq platt u iksi l-biċċiet tat-tiġieġ bid-dqiq. Farfar tajjeb biex tneħħi d-dqiq żejjed.
- Saħħan iż-żejt taż-żebbuġa ġo taġen.
- Aqli t-tiġieġ malajr miż-żewġ naħat.
- Itfa' l-istokk u l-inbid fl-istess taġen u ħalli kollox flimkien sakemm jibdew jagħlu. Baxxi n-nar u ħalli kollox itektek għal 20 minuta. Itfi n-nar u ħalli t-taġen mgħotti għal 10 minuti qabel ma sservi.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
