Riċetta: Tiġieġ bil-larinġ u t-tuffieħ

Tigieg bil laring u t tuffieh

Din hija riċetta delizjuża u ta' malajr għal tiġieġ bil-larinġ u t-tuffieħ, trid tissajjar fuq nar għoli.

M'hemmx għalfejn iżżidilha l-ilma, u l-anqas xi sauce jew mustarda jew għasel, għax taf tiġi ħelwa wisq għax hemm it-togħma ħelwa naturali tal-larinġ u t-tuffieħ.  

Din ir-riċetta ili nagħmilha snin twal minn meta konna ngħixu fil-Lvant Nofsani u fiha l-influenza tal-ikel ta' dawn l-inħawi. Il-ħwawar li jmorru ma' dan id-dixx huma s-salvja (sage) jew il-klin (rosemary) frisk. Jekk m'għandkomx, użaw ħwawar niexfin, għax ħela tużaw il-ħabaq (basil) jew nagħniegħ (mint) frisk, għax ma toħroġx it-togħma.

Ingredjenti:

  • Tiġieġa maqsuma fi tnejn
  • 2 tuffieħat bil-qoxra mqattgħin 
  • 2 larinġiet bil-qoxra mqattgħin fi flieli 
  • Basla
  • 2 sinniet tewm
  • Żejt taż-żebbuġa
  • Melħ u bżar
  • Bżar roża frisk (jekk trid)
  • Ftit salvja (sage) jew klin (rosemary) friski

Tħejjija: 

  1. Biex jitnaqqas il-ħin tat-tisjir, nistaqsi lill-biċċier biex jaqsam it-tiġieġa min-nofs.
  2. Poġġi saff patata fil-qiegħ tad-dixx, imħallta mal-basal u t-tewm. Iksi bil-ġulġlien.
  3. Poġġi l-biċċiet tat-tiġieġ ħdejn xulxin fid-dixx. Irranġa t-tuffieħ u l-larinġ, imbagħad is-salvja (sage) friska.
  4. Żid iż-żejt taż-żebbuġa, bżar, melħ u bżar roża frisk jekk għandek.
  5. Sajjar ġol-forn f'temperatura ta' 200 C għal 45 minuta.
  6. Ħalli t-tiġieġa toqgħod qabel isservi.

Togħġbok din ir-riċetta? Ħalli l-kummenti tiegħek hawn taħt u agħmel ir-rating tiegħek u agħfas share biex inkomplu nwasslulek iktar riċetti li jogħġbuk.