Ingredjenti

Għal 4 persuni

• 2 mgħaref żejt taż-żebbuġa
• 1 mgħarfa sagħtar (thyme), imqatta’
• 2kg saqajn tat-tiġieġ (drumsticks)
• 1 kikkra kuskus
• 1 kikkra piżelli tal-friża, mismuta
• ¼ kikkra tursin frisk, imqatta’
• Meraq ta’ 2 lumijiet
• Meraq ta’ 2 larinġiet
• 1 basla ħadra, il-parti bajda biss, imqattgħa rqiq
• Flieli tal-lumi, biex isservi
• Melħ u bżar mitħun frisk

Metodu

1. Saħħan il-forn għal temperatura ta’ 200°C. Ħabbat flimkien nofs il-meraq tal-larinġ u lumi mas-sagħtar f’dixx kbir. Żid il-melħ u l-bżar. Dawwad is-saqajn tat-tiġieġ fil-likwidu sakemm jinksew.
2. Aħmi għal 45 minuta sakemm it-tiġieġ jiħmaru u jsiru minn ġewwa kompletament.
3. Żid il-meraq taċ-ċitru li jkun fadal bl-ilma biex iġġibu għal qies ta’ kikkra. Ferrgħu f’kazzola żgħira u għallih.
4. Poġġi l-kuskus f’bieqja u ferra’ l-likwidu fuqu; għattih u ħallih joqgħod għal 5 minuti. Tella’ l-kuskus b’furketta u żid miegħu l-piżelli, il-basla u t-tursin. Żid il-melħ u l-bżar u ħawwad.
5. Servi t-tiġieġ fuq sodda tal-kuskus bil-flieli tal-lumi.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.