Il-Maltin iħobbu jieklu l-għaġin daqskemm iħobbu jikluh it-Taljani u jekk hux biz-zalza ħamra jew biz-zalza bajda, ma tagħmilx differenza. Din ir-riċetta klassika ta’ zalza tal-faqqiegħ bl-inbid abjad hija sempliċi u deizzjuża.
Ingredjenti
- 350g taljatelle tal-bajd (all’uovo), Agnesi
- 300g faqqiegħ (mushrooms)
- Basla
- Tursin
- Fergħa klin
- Sinna tewm
- 5 mgħaref żejt taż-żebbuġa
- 100ml inbid abjad
- Melħ
- Qatta’ l-basla u poġġiha f’borma jew kazzola baxxa, flimkien ma’ ftit żejt taż-żebbuġa, u tektika bi ftit ilma sakemm jirtab.
- Aħsel il-faqqiegħ, qattgħu f’biċċiet kbar u itfgħu mal-basla.
- Isħaq it-tewm, il-klin u t-tursin u żidhom mal-faqqiegħ.
- Wara ftit minuti ferra’ l-inbid u ħallih jevapora.
- Żid il-melħ u kompli tektek għal 30 minuta oħra.
- Għalli t-taljatelle f’ħafna ilma bil-melħ, saffih u itfgħu maż-żalża tal-faqqiegħ. Ħawwad kollox u ħallih joqgħod għal 2 minuti qabel isservi.
