Riċetta tal-laħam fil-borma tal-elettriku (‘slow cooker’)

Din ir-riċetta tista' tħejjiha jekk għandek slow cooker, li kulma huwa borma tal-elettriku apposta għat-tisjir bil-mod u fit-tul. Hija riċetta ħafifa ħafna li tista' tħejji f'10 minuti biss, imbagħad tħalli kollox isir bla ħsibijiet. Hija riċetta ideali għal min jaħdem u jixtieq isib l-ikla lesta xħin jasal lura d-dar, jew bħala parti minn ikla akbar - bħal fi żmien il-Milied - meta trid tħejji ħafna riċetti f'salt. Ir-riżultat huwa laħam tari b'togħma verament tajba. 

Preparazzjoni: 10 minuti

Tisjir: 8 sigħat

Isservi: 12 

Ingredjenti:

  • 600 ml soppa kkondensata tal-faqqiegħ tal-bott (condensed cream of mushroom soup)
  • 28 g taħlita għas-soppa tal-basal tal-pakkett 
  • 300 ml ilma
  • 2.5 kg laħam għall-forn

Tħejjija:

  1. Ħallat is-soppa tal-faqqiegħ, it-taħlita għas-soppa tal-basal u l-ilma ġol-borma.
  2. Poġġi l-laħam ġol-borma u iksi bit-taħlita tas-soppa.
  3. Issettja fuq High għal madwar 3-4 sigħat, jew inkella fuq Low għal 8-9 sigħat.

X'taħseb mit-tisjir bis-slow cooker? Għoġbitek din ir-riċetta? Għidilna x'taħseb billi tħalli kumment hawn taħt u jekk jogħġbok agħmel like u share biex inkomplu nwasslulek riċetti li jogħġbuk.