Ingredjenti
Għal madwar 2 litri
- 900g tadam aħdar, imqatta’
- 1/3 ta’ kikkra melħ oħxon
- 1¾ kikkra ħall tas-sidru
- 2/3 ta’ kikkra zokkor ismar
- 3 mgħaref żerriegħa tal-mustarda
- ¼ ta’ kuċċarina żerriegħa tal-karfus
- 1½ kuċċarina turmerik
- 2 basliet kbar, imqattgħin flieli
- 2 bżariet ħodor kbar, imnaddfin u imqattgħin
- 1 bżaru jaħraq aħmar jew aħdar, imnaddaf u mqatta’ rqiq
- Poġġi gradilja ġo tilar u fuqha poġġi t-tadam. Roxx it-tadam bil-melħ oħxon u daħħal it-tilar fil-friġġ għal 8-10 sigħat jew tul il-lejl. Poġġi t-tadam f’passatur u ħallih joqtor għal nofs siegħa.
- Ħallat il-ħall, iz-zokkor, iż-żerriegħa tal-mustarda, iż-żerriegħa tal-karfus u t-turmerik f’kazzola kbira b’qiegħ oħxon. Poġġi t-taħlita fuq nar medju sakemm tiftaħ tagħli.
- Żid il-basal u tektek għal 5 minuti.
- Żid it-tadam, il-bżar aħdar u l-bżaru jaħraq, ħawwad u ħalli t-taħlita terġa’ tiftaħ tagħli. Baxxi n-nar u tektek għal 5 minuti.
- Ferra’ t-taħlita f’vażetti sterilizzati, issiġilla u ħalli l-vażetti jibirdu.
- Żomm it-tadam fil-friġġ għal ġimagħtejn qabel tużah.
Nota: biex tisterilizza l-vażetti għallihom fl-ilma għal 10 minuti b’sarvetta fil-qiegħ tal-borma biex ma jħabbtux. Tellagħhom mill-ilma bil-mod, battalhom mill-ilma u ħallihom jinxfu fuq xugaman