Il-fażola ħadra hija ħaxixa komuni hawn Malta u versatili ħafna fl-użu tagħha. Tista tiekolha ma' xi ikla laħam u patata l-forn, u tista' wkoll iddaħħalha f'diversi platti differenti, bħall-għaġin u l-insalati. Hawn taħt se naraw kif nistgħu ndaħħluha f'riċetta Messikana għall-mili tat-Tacos bil-qamħirrun, fażola ħadra u salsa tat-tomatillo. Dejjem sajjar il-fażola l-ewwel sakemm tirtab, imbgħad qatta' f'biċċiet ta' madwar pulzier u żid ma' din ir-riċetta għal salsa daqsxejn ħelwa daqsxejn taħraq bil-qamħirrun, felfel u tomatillo ħodor.
Isservi: 4 persuni
Ħin: 20 minuta
Ingredjenti:
- 225g fażola ħadra mingħajr it-trufijiet
- 4 qamħirrun sħiħ frisk
- 2 imgħaref żejt taż-żebbuġa Carapelli
- Basla żgħira mqatta'
- Melħ skont il-gosti
- Felfel (bżaru aħmar)
- 1/4 kikkra cilantro (tip ta' tursin) mqatta'
- 1 recipe fresh tomatillo salsa
- 8 tortilla tal-qamħirrun, imsaħħnin
- 1/4 sa 1/2 kikkra ġobon feta jew ġobon tal-mogħoż imfarrak
Tħejjija:
- Għalli l-fażola ħadra ġo borma ilma bil-melħ għal madwar 5 minuti. Neħħihom mill-ilma u kessaħhom ġo skutella bl-ilma kiesaħ. Erga' neħħi l-ilma u qatta' f'biċċiet ta' madwar pulzier.
- Issepara l-qlub tal-qamħirrun u warrbu.
- Saħħan iż-żejt taż-żebbuġa fuq nar medju ġo taġen kbir u żid il-basla. Sajjar għal madwar 5 minuti sakemm tirtab, ħawwad kultant.
- Żid ftit melħ mhux ħazin, il-qamħirrun u l-felfel, u kompli sajjar għal madwar 5 minuti oħra sakemm jirtab il-qamħirrun, ħawwad kultant.
- Żid il-fażola ħadra u s-cilantro, u madwar 1/4 kikkra salsa skont il-gosti. Neħħi minn fuq in-nar.
- Ferrex it-taħlita fuq it-tortilla imsaħħnin, raxxex il-ġobon u żid iktar salsa jekk tixtieq.
