Din hija riċetta ta’ sushi stil Taljan li huwa sabiħ fid-dehra u tajjeb fit-togħma.
Preparazzjoni: 25 minuta
Ħin totali: siegħa u 40 minuta
Kwantità: 16-il biċċa
Ingredjenti:
- 300 g ross medium grain
- 700 ml ilma
- 150 ml single cream
- 60 g ġobon Parmiġġan, maħkuk
- 60 g ġobon Romano, maħkuk
- Ponn weraq tal-ħabaq (basil) frisk, imqatta’
- 8-10 listi rqaq prosciutto
- Vażett ta’ 200 g bżar aħmar ħelu mixwi, imsaffi u mqatta’ strixxi
Tħejjija:
- Poġġi l-ilma u r-ross f’borma u poġġiha fuq nar għoli. Kif tiftaħ tagħli baxxi n-nar u ħalliha ttektek sakem jinxtorob l-ilma kollu; madwar 15-20 minuta. Ħawwad kultant biex ir-ross ma jeħilx mal-qiegħ. Kif isir ifirxu fuq platt kbir biex jibred.
- Ħallat flimkien f’bieqja kbira r-ross imsajjar, il-ġobon Parmiġġan u l-ġobon Romano, il-krema u l-ħabaq.
- Poġġi biċċa prosciutto fuq bord u ifrex daqs nofs kikkra mit-taħlita fuqha. Ippressa ftit u poġġi ftit strixxi tal-bżar għat-tul fuq it-taħlita tar-ross.
- Gerbeb kollox flimkien u ssikka kemm tista’. Irrepeti l-proċedura sakemm tuża r-ross kollu u poġġi r-rombli fuq tilar fil-friġġ għal 20 minuta.
- Qatta’ f’roti ta’ 2 ċm ħxuna u poġġihom fuq platt bil-parti l-maqtugħa tħares ’l isfel.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
