Deżerta ta’ suflè ħafif b’togħma tajba u friska ta’ mandolin, għal mal-kafè wara ikla tajba.
Ħin: siegħa
Issrevi: 6 persuni
Ingredjenti:
- ¾ kikkra zokkor
- 6 bajdiet, l-isfar mifrud mill-abjad
- ½ kuċċarina cream of tartar
- ¼ kuċċarina melħ
- 4 mandoliniet
- 2 imgħaref butir
- 2 imgħaref dqiq
- Mgħarfa zokkor tal-ġelu (icing sugar)
Tħejjija:
- Poġġi l-ixkaffa tal-forn f’pożizzjoni baxxa. Saħħan il-forn għal temperatura ta’ 180°C.
- Idlek dixx tas-suflè (li jesa’ 6 kikkri) bi ftit żejt. Poġġi mgħarfa zokkor fid-dixx u dawru biex iz-zokkor jeħel mal-ġnub u l-qiegħ.
- Ħokk il-qoxra ta’ 3 mandoliniet. Agħsar il-meraq tal-mandolin sakemm ikollok ¾ kikkra.
- Dewweb il-butir f’kazzola żgħira fuq nar moderat. Żid id-dqiq u ħabbat mal-butir, imbagħad ħabbat ukoll il-meraq.
- Meta t-taħlita tibda tagħli ħalliha tbaqbaq għal 3 minuti. Neħħi l-kazzola minn fuq in-nar.
- Fi skutella kbira ħabbat l-isfar tal-bajd għal 3 minuti, sakemm jiċċara fil-kulur. Żid ½ kikkra zokkor u ħabbat għal 2 minuti. Żid il-qoxra maħkuka tal-mandolin u mgħarfa mit-taħlita tal-kazzola u ħabbat ftit ieħor. Fl-aħħar żid il-kumplament tat-taħlita tal-kazzola.
- B’ħabbata nadifa ħabbat flimkien l-abjad tal-bajd, il-cream of tartar u l-melħ sakemm il-bajd jibqa ’l fuq meta ttellgħu b’magħrfa.
- Żid nofs l-abjad tal-bajd mat-taħlita tal-isfar u daħħalhom f’xulxin bil-mod biex iżżomm l-arja fit-taħlita (fold-in). Irrepeti l-proċess bin-nofs l-ieħor. Ferra’ t-taħlita tas-suflè fid-dixx ippreparat.
- Aħmi s-suflè għal 40 minuta sakemm jintnefaħ u jieħu lewn dehbi. Tiftaħx il-bieba tal-forn qabel dan il-ħin.
- Għarbel iz-zokkor tal-ġelu fuq il-wiċċ u servi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
