Riċetta: Stuffat tal-majjal u l-faqqiegħ (mushrooms)

Stew of pork and mushrooms Stuffat tal-majjal u l-faqqiegħ (mushrooms)

Dan l-istuffat ta’ borma waħda tista’ tippreparah kmieni – jew il-ġurnata ta’ qabel u tkessħu fil-friġġ – u terġa’ ssaħħnu bil-mod fil-ħin li jkollok bżonn. Anzi, jekk tagħmel hekk it-togħmiet tiegħu joħorġu aktar.

Ħin: 50 minuta

Isservi: 4 persuni

Ingredjenti:

  • 550g flett (fillet) jew żaqq tal-majjal
  • 1 mgħarfa żejt tal-ward tax-xemx
  • 1 basla kbira, imqattgħa għat-tul
  • 200g faqqiegħ żgħir (mushrooms)
  • 2 sinniet tewm, imqattgħin irqiq
  • 1 kuċċarina paprika, jew paprika affumikata
  • 600ml stokk tat-tiġieġ
  • 2 mgħaref kunserva
  • 1 bżaru aħmar (capiscum) imnaddaf u mqatta’
  • 1 bżaru isfar (capiscum) imnaddaf u mqatta’
  • 2 kuċċarini dqiq tal-qamħirrun (cornflour)
  • Melħ u bżar mitħun frisk
  • Ross mgħolli, biex isservi
  • Tursin frisk, imqatta’, biex isservi

 

Metodu:

  1. Qatta’ l-majjal f’biċċiet ta’ gidma filwaqt li tneħħilu x-xaħam. Saħħan nofs iż-żejt f’kazzola kbira u aqli l-majjal fuq nar moderat sakemm jieħu l-kulur. Tella’ mill-kazzola b’mgħarfa mtaqqba u poġġih fi platt.
  2. Żid il-kumplament taż-żejt fil-kazzola u qalli l-basla għal 3 minuti, imbagħad żid magħha t-tewm u kompli qalli għal 2 minuti oħra. Żid il-paprika u ħawwad għal minuta, imbagħad ferra’ l-istokk fuq kollox u ħalli t-taħlita tiftaħ tagħli. Żid il-kunserva, ħawwad u erġa’ itfa l-biċċiet tal-majjal fil-kazzola. Roxx bil-melħ u bżar mitħun frisk.
  3. Baxxi n-nar u tektek għal 15-il minuta. Żid il-faqqiegħ u l-bżar imqatta’ u tektek għal 10 minuti oħra.
  4. Ħoll id-dqiq tal-qamħirrun fi ftit ilma, żidu fil-kazzola u ħawad sakemm il-likwidu jibda jagħqad.
  5. Servi fuq sodda tar-ross bit-tursin imferrex fil-wiċċ.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.