F’Malta l-ispnott issibu s-sena kollha peress li jitrabba fil-fish farms lokali. Għal min jogħġbu l-ħut ippreżentat sħiħ, l-ispnott huwa adattat ħafna għax għandu qies ta’ porzjon.
Preparazzjoni: 10 minuti
Ħin totali: 25 minuta
Isservi: 2 persuni
Ingredjenti:
- Kuċċarina żerriegħa tal-bużbież
- Kuċċarina żerriegħa tal-mustarda (mustard seeds)
- ½ kuċċarina żagħfran tal-Indja (turmeric)
- Mgħarfa żejt taż-żebbuġa
- Basla tal-bużbież, maqsuma min-nofs u mqattgħa rqiq għat-tul
- Bżaru felfel, imqatta’ rqiq
- 2 spnottiet żgħar (madwar 300g il-waħda), imnaddfa u bil-qoxra mibruxa
- ½ lumija biex tagħsar, u 2 flieli biex isservi
- Ponn weraq tal-kosbor frisk
- Melħ u bżar mitħun frisk
Tħejjija:
- Saħħan il-forn għal temperatura ta’ 220°C.
- Ħallat iż-żrieragħ tal-bużbież u tal-mustarda maż-żagħfran tal-Indja fi skutella żgħira.
- Idlek biċċtejn foil kbar biż-żejt u ferrex fuqhom indaqs il-basla tal-bużbież u nofs il-ħwawar imħalltin; poġġi l-ħutiet fuq kull biċċa foil u ferrex il-kumplament tal-ħwawar imħalltin u l-felfel fuqhom. Roxx bil-melħ u l-bżar u agħasar il-meraq tal-lumi fuqhom.
- Iġbed it-truf tal-foil għan-nofs u qartashom flimkien biex tagħlaq. Poġġihom f’dixx u aħmi għal 15-20 minuta.
- Poġġi kull ħuta fuq platt, iftaħ il-foil u gerbu mal-ġnub, ferrex il-weraq tal-kosbor fuqhom u servi bil-flieli tal-lumi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
