Ingredjenti:
- weraq kale mqattgħin f'biċċiet żgħar (neħħi l-blanzun min-nofs)
- 500 g spagetti
- 5 isfra tal-bajd
- 3 sinniet tewm, imfarrak ma' niskata melħ oħxon
- 100 g bacon, imqatta' f'biċċiet żgħar
- 150 g ġobon tal-ħakk
- Melħ u bżar
Tħejjija:
- Ipprepara l-kale billi tneħħi il-blanzun tan-nofs. Qatta' l-kale f'biċċiet żgħar u itfagħhom fl-ilma jagħli għal 4 minuti. Neħħi l-ilma billi tuża passatur u itfa' ftit ilma kiesaħ biex jibqa' l-kulur sabiħ.
- Sajjar l-ispagetti ġo borma mimlija ilma bi ftit melħ. Sajjarhom sakemm jigi al dente, minuti inqas mill-ħin tat-tisjir fuq il-pakkett.
- Sadanittant, sajjar il biċċiet tal-bacon ġo mgħarfa żejt taż-żebbuġa. Żid it-tewm u ħawwad. Neħħi minn fuq in-nar. Ħabbat l-isfra tal-bajd ġo skutella. Żid 2 kuċċarini tal-ilma jagħli mill-għaġin li qiegħed isir. Ħawwad.
- Għaddi l-ispagetti minn passatur. Żomm ftit ilma, daqs kikkra. Żid l-ispagetti mat-taħlita tal-bacon u t-tewm. Żid nofs il-kale mqatta'.
- Żid it-taħlita tal-bajd, poġġi fuq nar baxx u ħafif ħafif ħawwad għal nofs minuta. Neħħi minn fuq in-nar, żid il-ġobon maħkuk. Ħawwad b'mgħarfa tal-injam, biex tiksi l-għaġin kollu biz-zalza. Jekk hemm bżonn, żid aktar ilma biex ikollok il-konsistenza mixtieqa.
- Isservi ma' aktar ġobon maħkuk, bżar mitħun u fil-wiċċ, żejjen bil-bqija tal-kale msajjar u mqatta'.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
Would you like to read this recipe in English? Let us know in the comments section below!
