Għal din ir-riċetta tista’ telimina l-krema u żżid ftit aktar żejt taż-żebbuġa. Tista’ wkoll tuża għaġin twil ieħor minflok spagetti, bħal fettucine. Platt frisk li tlesti fi ftit minuti u bi ftit ingredjenti u li żgur jinżel tajjeb.
Ħin: 25 minuta
Isservi: 4 persuni
Ingredjenti:
- 350 g spagetti
- Mgħarfa żejt taż-żebbuġa
- 4 sinniet tewm, imqattgħin
- Qoxra maħkuka ta’ nofs lumija
- Meraq ta’ nofs lumija
- 2 imgħaref kappar, imlaħlaħ
- 250 g salamun affumikat, imqatta’
- 200 ml krema singla
- Flieli tal-lumi biex isservi
Tħejjija:
- Għalli l-għaġin f’borma kbira ilma bil-melħ sakemm isir al dente.
- Sadanittant, saħħan iż-żejt taż-żebbuġa fuq nar moderat, żid it-tewm u qalli għal minuta u żid il-krema.
- Kif tisħon il-krema itfi n-nar u żid is-salamun, il-kappar, il-meraq u l-qoxra tal-lumija, u bżar, u ħawwad kollox flimkien.
- Ħallat iz-zalza mal-għaġin u servi bil-flieli tal-lumi.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
