Riċetta: Soppa tal-qargħa ħamra u l-għazz

Lentil soup with pumpkin - Soppa tal-qargħa ħamra u l-għazz

Il-legumi fihom ħafna nutrijenti tajbin u se nibda llum b'soppa sempliċi tal-qargħa ħamra u l-għazz bil-ġbejna friska fil-wiċċ.  Jiena żejjint il-platt bil-fjuri tas-salvia imma dawn tistgħu tħalluhom barra. Din ir-riċetta hija mingħajr glutina, ħiesla mill-bajd, m'għandha ebda xaħam miżjud u l-ġbejna friska żidha biss jekk għandek aptitha. Ma' din is-soppa tkun delizjuża.   

Ingredjenti:

  • 1 kg qargħa ħamra, imqaxxra u mqattgħa  
  • 250 g għazz oranġjo  
  • basla mqattgħa  
  • 2 sinniet tewm, imqaxxrin u mqattgħin  
  • żid cube stokk tal-ħaxix ma' 2 litri ilma 
  • qoxra maħkuka ta' 1/4 ta' larinġa  
  • melħ u bżar 
  • ġbejna friska 
  • ħwawar friski jew tursin biex iżżejjen 
  • fl-aħħar żid aktar ilma (jekk għandek bżonn) biex iġġibu skont il-konsistenza li togħġbok.

Tħejjija:

  1. Għaddas il-basla, it-tewm, il-qara' u l-għazz fl-ilma u għallih.
  2. Żid il- cube tal-istokk.  Ħallih itektek bil-mod fuq nar bati għal 40 minuta. 
  3. Itfi u ħallih jibred ftit. 
  4. Żid il-qoxra maħkuka ta '1/4 ta' larinġa  
  5. Uża hand blender sakemm is-soppa jkollha dehra konsistenti.  
  6. Żid il-ġbejna friska, żejjen bil-ħwawar u servi.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.