Ingredjenti:
- 3 ġidriet imqaxxra
- 200 g għads
- 3 patatiet imdaqqsa, imqaxxra u mqattgħa biċċiet
- 2 basliet imqaxxrin u mqattgħin irqaq
- 3 sinniet tewm imqattgħa
- Dada tal-istokk naturali
- Mgħarfa kunserva
- 2 kuċċarini trab tal-curry
- 1/4 ta' kuċċarina trab tal-ġinġer
- Niskata noce moscata
- Mgħarfa żejt tajjeb
- Melħ u bżar jekk trid
Tħejjija:
- Aħsel l-għads aħdar u ħallih jixxarab matul il-lejl. Sajru kif jgħidlek il-pakkett.
- Xħin isir neħħi l-ilma u ħallih ġo skutella sa ma tiġi bżonnu.
- Qalli l-basal ġoż-żejt fuq nar moderat sakemm l-ewwel jiġi trasparenti u mbagħad jiġi kkaramelizzat imma tħallihx jismar ħafna.
- Neħħi nofs il-basal u żommu fil-ġenb ġo skutella biex tużah wara. Żid il-curry u l-ġinġer u ħawwad.
- Żid żewġ ġidriet imqattgħa, il-ħaxix li baqa', il-ħwawar u l-kunserva.
- Ħawwad u għerreq il-ħaxix ġol-ilma, għolli n-nar iftħu jagħli. Baxxi n-nar u ħalli l-borma ttektek għal 35 minuta jew sakemm isir il-ħaxix.
- Neħħi minn fuq in-nar u ħalli s-soppa tibred qabel ma titħanha biex issir lixxa. Meta tkun lesta biex isservi saħħan is-soppa u żid nofs l-għadds aħdar. Servi ġo skutella tas-soppa u għall-wiċċ żejjen b'żewġ imgħaref għadds, ftit mill-basal moqli u ftit dadi tal-ġidra moħmija.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
