Riċetta: Soppa kremuża tal-faqqiegħ (mushrooms)

Cream of mushroom soup - Soppa kremuża tal-faqqiegħ

Read this recipe in English: Cream of mushroom soup

Il-faqqiegħ huwa wieħed mill-aktar ħxejjex rakkomandati meta tkun qed tagħmel dieta b’kaloriji kkontrollati biex tnaqqas il-piż. Agħżel faqqiegħ żgħir u magħluq biex is-soppa tibqa’ ċara u ma tiħux kulur griż meta titħanha.

Ħin totali: 40 minuta

Isservi: 4 persuni

Ingredjenti:

  • 1 mgħarfa butir
  • 1 kikkra karrotti mqatta’ żgħir
  • ½ kikkra basal aħdar frisk, imqatta’ rqiq
  • 2 sinniet tewm, imqattgħin irqiq
  • ¼ kuċċarina origanu mnixxef
  • 700 g faqqiegħ, imnaddaf u mqatta’
  • 1 kikkra nbid abjad
  • 1 ½ kikkra ħalib xkumat
  • 500 ml stokk tat-tiġieġ
  • Melħ u bżar mitħun frisk

 Tħejjija:

  1. F’kazzola kbira dewweb il-butir u kif jibda’ jbaqbaq żid il-karrotti, il-basal u t-tewm. Qalli għal 5 minuti u żid l-origanu, melħ u bżar.
  2. Żid il-faqqiegħ u kompli sajjar għal 2 minuti oħra.
  3. Ferra’ l-istokk u l-inbid, ħalli s-soppa tiftaħ tagħli u tektek għal 3 minuti.
  4. B’mgħarfa mtaqqba tella’ nofs kikkra mill-ħaxix u warrbu għal aktar tard.
  5. Itħan is-soppa sakemm ikollok taħlita lixxa, żid il-ħalib u erġa’ saħħana fuq nar bati.
  6. Biex isservi, aqlibha fil-bwieqi u żejjen bil-ħaxix sħiħ.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.